Mun kakkabo jirage marasa matukan Ukraine guda 40 – Rasha

Ukraine ta ƙaddamar da wasu sabbin hare-haren jirage marasa matuƙa a wasu sassan ƙasar Rasha ciki har da Moscow babban birnin kasar.

To sai dai magajin garin Moscow, Sergei Sobyanin ya ce Rasha ta kakkaɓo jiragen marasa matuƙa biyar a kusa da wata matatar mai a Moscow.

Gwamnonin yankin sun ce kusan jirage marasa matuƙa 40 ne aka tarwatsa a Bryansk, da Voronezh (Vuh-ROH-nezh) da sauran yankunan.

Sun ce ɓarnar da hare-haren suka yi ba ta da yawa, inda aka lalata cibiyoyin adana mai da kuma wasu muhimman gine-gine a wurare daban-daban.

Sai dai masu aiko da rahotanni sun ce ba kasafai Rasha ke bayyana irin girman ɓarnar hare-haren Ukraine ba.