Rundunar ‘yan sandan jihar Ribas, ta ce, jami’anta sun bindige wasu mashahuran masu garkuwa da mutane biyu, ciki har da wani shugaban kungiyar da ake yi wa lakabi da ‘Lokaci’ a wani artabu da suka yi a dajin da ke karamar hukumar Emuoha a jihar.
Jami’ar hulda da jama’a na rundunar ‘yan sandan, Grace Iringe-Koko, ta bayyana hakan a cikin wata sanarwa da ta fitar a garin Fatakwal a ranar Larabar da ta gabata, inda ta ce ‘yan sandan sun kuma kubutar da wasu mutane hudu da suka rufe idanuwansu, aka same su a cikin ramin masu garkuwa da mutane bayan sun shafe kwanaki biyu a hannunsu.
Iringe-Koko ya kara da cewa an kubutar da wadanda aka yi garkuwa da su ne bayan da jami’an tsaro suka fatattaki ‘yan ta’addan a lokacin da suke musayar wuta.
A halin da ake ciki kuma, daya daga cikin wadanda abin ya shafa, direban dan kasuwa ne da ya zanta da manema labarai, ya ce yana cikin tafiya ta yau da kullun na komawa Fatakwal, sai ya lura da wani cikas a hanyar da wata katuwar kututturen bishiya ta yi.
Ya ce a lokacin da yake tuki wata mota ce a gabansa, inda ya kara da cewa yana tunanin juyawa ne wasu mutane suka fito daga cikin daji suka harba harsashi kan tayoyin motarsa da na motar da ke gabansa.
“Mutanen wadanda adadinsu ya kai 6, sun ce mu kwanta a kasa, daga baya kuma suka kama mu, suka bi mu ta wasu hanyoyi na daji a lokacin da suka hango wata motar ‘yan sanda ta nufo. Jami’an ‘yan sandan sun yi harbi da dama, amma an kai mu cikin dajin sosai,” inji shi.
A halin da ake ciki, kwamishinan ‘yan sandan jihar, Olatunji Disu, ya yaba wa mutanen rundunar bisa yadda suka kware da kuma jajircewa wajen yaki da miyagun laifuka da aikata laifuka a jihar.
Ya ce rundunar ‘yan sandan jihar da ke karkashin sa ba za ta daina komai ba don kawar da masu aikata laifuka a jihar.
Subscribe to Our VIP Newsletter
[newsletter_signup_form id=1]
