Rundunar ‘yan sanda ta sanar da dakile yunkurin garkuwa da mutane a jihohi takwas a ranar Kirsimeti, tare da kama mutum 23 da ake zargi da aikata wannan laifi.
Sanarwar da kakakin rundunar, Muyiwa Adejobi, ya fitar a ranar Juma’a, ta ce rundunar ta gudanar da wannan aiki ne a jihohin Legas, Kaduna, Delta, Ogun, Katsina, Benuwai, Imo, da birnin tarayya, Abuja. A yayin wannan aiki, an kwato bindiga kirar AK-47.
A cewar Adejobi, a Legas, an kama mutum uku da ake zargi suna shirin kai hari ga alumma a ranar Kirsimeti. Haka zalika, a Kaduna, jami’an sashin Saminaka sun kama Sule Muhammad, wanda ake zargi da hannu a garkuwa da mutane da dama a yankin.
Hakazalika, an samj makamantan wannan nasarori makamantan a sauran jihohin da aka gudanar da wannan aiki, inda aka kama wasu masu laifi daban-daban kan miyagun ayyukan da suka aikata.
Subscribe to Our VIP Newsletter
[newsletter_signup_form id=1]
