Shugaban kasa Muhammadu Buhari, ya bayar da umarni ga ministan ilimi, Malam Adamu Adamu, da ya kawo ƙarshen yajin aikin malaman jami’o’in.
Jaridar Daily Trust a Najeriya ta ruwaito cewa, shugaban ya bayyana haka ne a ranar Talata, inda ya bayar da umarni ga ministan ilimin ƙasar da ya sasanta abubuwan da ake taƙaddama a kai cikin mako biyu sa’annan a kai masa rahoto.
A yau Talata Shugaba Buharin ya tattauna da ma’aikatu da masu ruwa da tsaki waɗanda ke da alaƙa da ɓangaren ilimi a ƙasar da za su iya warware wannan tirka-tirkar.
Shugaban ya kira su ne domin ya samu ƙarin bayani kan dalilin da ya sa wannan yajin aikin ya ƙi ci ya ƙi cinyewa.
Subscribe to Our VIP Newsletter
[newsletter_signup_form id=1]
