Mawaƙiyar kasar Colombia, Shakira da ɗan wasan Barcelona, Gerard Pique, sun sanar da cewa za su rabu, kamar yadda suka sanar a wata sanarwa daga kamfanin wyada labaransu.
Sun sanar da matakin rabuwa ne a ranar Asabar.
Shakira, mai shekara 45 da Pique mai shekara 35 sun kasance tare tun 2011 kuma suna da ƴaƴa biyu.
Sun haɗu ne a gasar cin kofin duniya da aka gudanar a Afirka Ta Kudu a 2010, lokacin da ɗan wasan na Barcelona ya fito a cikin bidiyon waƙar Shakira “Waka Waka”, waƙar da ta rera domin gasar a karon farko a Afirka.
Kamfanin dillacin labarai na Reuters ya ce mawaƙiyar na fuskantar shari’a kan kaucewa biyan haraji a Spain bayan ta yi rashin nasara a ƙarar da ta ɗaukaka a ranar 26 ga Mayu.
Masu gabatar da ƙara sun yi iƙirarin cewa ta kaucewa biyan kusan yuro miliyan 14.5 na haraji daga kuɗaɗen da ta samu tsakanin 2012 zuwa 2014.
Sun ce, “Mun yi nadamar tabbatar da cewa mun rabu da juna, saboda makomar ƴaƴanmu, wadanda su ne kan gaba fiye da komi, muna rokon a mutunta sirrinmu.”
Subscribe to Our VIP Newsletter
[newsletter_signup_form id=1]
