Wani Ba’amurke mawaki kuma mai zanen kaya, Kanye Omari West, wanda aka fi sani da Kanye West ko Ye, ya yi asarar dala biliyan 2 a cikin sa’o’i 24 bayan wasu kamfanoni da dama sun yanke alaka da shi saboda kalaman kyamar Yahudawa.
Wannan na zuwa ne kasa da sa’o’i 48 bayan wata mujallar kasuwanci ta Amurka, Forbes, ta sanar da cewa Kanye ba shi da wani matsayi a cikin jerin masu kudi a yanzu bayan da yarjejeniyarsa mai tsoka da Adidas ta kare.
Kamfanonin da suka yanke alaƙa da Kanye ya zuwa yanzu sun haɗa da Balenciaga, MRC (dakin nishaɗin da aka riga aka gama Ye Documentary), hukumar baiwar sa CAA, Adidas, Jaylen Brown da Aaron Donald, Foot Locker, The RealReal, T.J. Maxx, Madame Tussauds.
Da yake mayar da martani kan asarar, mawakin, a wani sako da ya wallafa a shafin Instagram, ya bayyana cewa mutanen shi ne ba kudin ba.
Ya rubuta, “Na yi asarar dala biliyan 2 a rana ɗaya, kuma har yanzu ina raye. Wannan maganar soyayya ce, har yanzu ina son ku; kudin ba ni ba ne, jama’a su ne ni.”
Har ila yau, makarantarsa, Donda Academy, ta shafa yayin da aka fitar da su daga gasar makarantar sakandare saboda maganganun Kanye.
Subscribe to Our VIP Newsletter
[newsletter_signup_form id=1]
