Mawakin Amurka kuma mai fitowa a fina-finai da shirin talabijin, Curtis Jackson, wanda aka fi sani da 50 Cent, ya bayyana cewa zai soma shirin wani fim din dogon zango kan ɗan damfarar nan da aka yankewa hukuncin dauri wato Ramon Abbas, da aka fi sani da Hushpuppi.
50 cent na cikin jarumar da suka haska a fitaccen shirin fim din nan na Power da Power Book II, da Power Book III da dai sauransu.
A shafinsa na Instagram mawakin ya shaida wannan aniya ta sa da yace nan bada jimawa ba zaa soma naɗar fim din, saboda ankarar da wasu aikata irin wannan muggan laifuka ta intanet.
A farkon makon nan ne kotu a Amurka ta daure dan Najeriyar da ya shahara a shafin sada zmunta da muhawara na Instagram sama da shekara 11 a gidan yari.
Hushpuppi ya yi fice wajen nuna rayuwar da yake yi ta facaka a shafinsa mai mabiya miliyan 2 da dubu 800, kafin a rufe shafin a kwanakin nan.
Alkalin kotun a Los Angeles ya kuma umarce shi da ya biya dala $1,732,841 ta diyya ga wasu mutum biyu da ya damfara.
A bara ya amsa laifin halatta kudin haram.
Subscribe to Our VIP Newsletter
[newsletter_signup_form id=1]
