Matatar man fetur ta Dangote ta sanar da cewa ta dakatar da sayar da man fetur da kuÉ—in Najeriya wato naira.
Kamfanin ya bayyana haka ne a wata sanarwa da ya aika wa dilallan man fetur kuma ya wallafa a shafinsa na X a yau Laraba.
Sanarwar ta ce ”Matatar man fetur ta Dangote ta dakatar da sayar da fetur a naira na wani lokaci. Hakan ya zama wajibi ne saboda kauce wa rashin daidaito da ake samu tsakanin ribarmu da kuÉ—in da muke sanya wa masu sayen É—anyan mai wanda a yanzu galibi da dala muke yi.”
Kamfanin ya kuma ƙara da cewa bisa wannan dalilin, wajibi ne su sauya kuɗin da suke sayar da man domin ya yi daidai da kuɗin da suke sayen ɗanyen mai na wani ɗan lokaci.
Sanarwar ta kuma ce da zarar matatar ta karɓi jiragen dakon mai da aka saya da naira daga kamfanin NNPC, za ta ci gaba da sayar da man fetur ɗin da naira.
Subscribe to Our VIP Newsletter
[newsletter_signup_form id=1]
