Rundunar ‘yan sanda a jihar Kano, ta kama wani matashi dan shekara 20, Ghadaffi Sagir, bisa zargin kashe kishiyar mahaifiyarsa Malama Rabi da dan ta.
Kakakin rundunar, SP. Abdullahi Kiyawa ya tabbatarwa da manema labarai faruwar lamarin.
Ya ce, lamarin ya faru ne a daren Asabar da misalin karfe 11:00 na dare a Rijiyar Zaki daura da Layin Dorawan ‘yan Kifi a karamar hukumar Ungogo.
Ya bayyana cewa wanda ake zargin ya yi amfani da wani abu mai kaifi, inda ya yanka mahaifiyar tasa sannan ya shake yarta har lahira.
Kiyawa ya ce an kama wanda ake zargin kuma ya amsa laifinsa.
Ya ce ‘yan sanda sun fara gudanar da bincike kan laifin.
Bincike ya nuna cewa wanda ake zargin ya kashe mahaifiyarsa, Malama Rabi bisa zarginsa da haddasa rabuwa tsakanin mahaifiyarsa da mahaifinsa.
Shi ma wanda ake zargin ya kashe diyar ne saboda ta ga ya kashe mahaifiyarsa.
Subscribe to Our VIP Newsletter
[newsletter_signup_form id=1]
