Jam’iyyar PDP reshen jihar Oyo, ta bukaci mataimakin gwamnan jihar, Rauf Olaniyan, da ya gaggauta yin murabus, biyo bayan sauya sheka da ya yi zuwa jam’iyyar adawa ta Apc.
Sakataren yada labarai na jam’iyyar PDP a jihar, Akeem Olatunji ne ya bayyana hakan a wata sanarwa da ya fitar ranar Litinin.
Jam’iyyar ta ce, ya kamata Olaniyan ya yi murabus a matsayin mataimakin gwamna “tunda da gangan ya yi watsi da jam’iyyar PDP da kuri’un da suka samar da shi a jam’iyyar.”
Jam’iyyar ta yi gargadin cew,a ba za ta bari Olaniyan da sabuwar jam’iyyarsa su ci moriyar kuri’un da aka kada wa PDP a zaben gwamna na 2018 ba.
Subscribe to Our VIP Newsletter
[newsletter_signup_form id=1]
