Wasu da ake kyautata zaton masu tsafi ne sun kashe wani yaro a Yola babban birnin jihar Adamawa tare da cire wasu sassan jikinsa.
An tsinci gawar yaron ne a unguwar Rumde da ke bayan sakatariyar karamar hukumar Yola ta Arewa a Jimeta, inda aka yanka masa makogwaro tare da cire masa harshe da ido.
An bayyana wanda aka kashe a matsayin dalibin daya daga cikin makarantun islamiyya da ke yankin.
Wasu mazauna garin na Rumde sun bayyana jin kukan yaron, sai dai sun ce ba su dauki mataki ba, domin a tunaninsu kawai cin zarafin wani karamin yaro ne da wani babba ya yi.
Jami’in hulda da jama’a na rundunar ‘yan sandan jihar, SP Yahaya Nguroje, ya ce an kai gawar yaron asibiti domin a duba gawarwakin yaron, kuma tuni aka fara gudanar da bincike domin gano wadanda suka aikata laifin.
Ya bukaci iyaye da masu kula da su da su rika daukar nauyin tarbiyyar ‘ya’yansu a koda yaushe.
Jaridar DAILY POST ta ruwaito cewa marigayin wanda dan makarantar Tsangaya Islamiyya ne, da alama yana daya daga cikin wadanda aka shigo da su garin Yola daga wani gari mai nisa domin karantar addinin Islama da Larabci.
Subscribe to Our VIP Newsletter
[newsletter_signup_form id=1]
