A karshen makon da ya gabata ne wasu ‘yan bindiga da ba a san ko su wanene ba suka yi garkuwa da Augustine Okoye, wani dan kasuwa a Ugbe da ke karamar hukumar Akoko ta Arewa maso Gabas a jihar Ondo.
Marigayin, shahararren mai sayar da kayan shafawa a yankin Ikare-Akoko na jihar an ce an kashe shi ne bayan an biya kudin fansa da ba a bayyana ba.
An dai sace Okoye da matarsa ne a kan babbar hanyar Isua-Ise Akoko a kan hanyarsu ta zuwa garin Isua.
Masu garkuwa da mutanen sun sako matar tare da kashe dan kasuwan bayan sun karbi kudin fansa daga danginsu.
Da take bayyana yadda aka sace su, matar, Bolaji Augustine, ta bayyana cewa an kashe Okoye kafin a biya kudin fansa.
Yayin da yake tabbatar da faruwar lamarin, wata majiyar ‘yan sanda a Ikare Akoko ta ce an gano motar da aka yi amfani da ita wajen sace mutanen daga wurin da lamarin ya faru.
Majiyar ‘yan sandan ta kara da cewa jami’an hukumar Amotekun da ’yan banga a yankin sun fara tseratar dajin domin kwato gawar Okoye tare da cafke wadanda ake zargin.
Subscribe to Our VIP Newsletter
[newsletter_signup_form id=1]
