Akalla manoman shinkafa 40,000 ne a jihar Kano za su ci gajiyar shirin gwamnatin tarayya na Anchor Borrower Programme (ABP), domin habaka noman shinkafa.
Shugaban kungiyar manoma shinkafa ta kasa (RIFAN) na jihar, Alhaji Abubakar Aliyu ne ya bayyana hakan, a wata hira da kamfanin dillancin labarai na kasa (NAN) a ranar Lahadi a Kano.
Kamfanin Dillancin Labarai na kasa (NAN) ya ruwaito cewa, ABP wani muhimmin bangare ne na manufar sauya fasalin noma na gwamnatin tarayya da aka tsara, don bunkasa hanyoyin samar da kayan amfanin gona, samar da kudaden noma, karfafa dabarun kasuwancin manoma, kara darajar da samar da kasuwa ga amfanin gona.
A na aiwatar da ABP ne tare da haɗin gwiwar Babban Bankin Najeriya (CBN), ƙungiyoyin bankunan kasuwanci da gwamnatocin jahohi ta hanyar dillalan noma da ake kira “anchor clients.”
Aliyu ya ce, shirin zai samar da takin zamani da kayan masarufi ga masu noman shinkafa 15,000 a lokacin noman rani yayin da wasu 25,000 kuma za a tallafa musu a lokacin noman 2022.
“Amma, ba mu shiga noman bana ba saboda wasu matsaloli tsakanin CBN da sauran cibiyoyin hada-hadar kudi.
Gwamnati ta yanke shawarar mayar da manoma 40,000 da aka yi niyya zuwa damina, ya danganta da yadda al’amura ke gudana,” inji shi.
Subscribe to Our VIP Newsletter
[newsletter_signup_form id=1]
