Mane ya na taimakon mutane ba manyan motoci ne a gabansa ba – Yaya Toure

Tsohon dan wasan tsakiya na Manchester City, Yaya Toure, ya yaba wa tsohon dan wasan Liverpool, Sadio Mane saboda taimakon da yake yi.

Toure ya ji dadin yadda ‘yan kasar Senegal ke taimakon mutanen da suka koma kasarsa.

A cewarsa, maimakon tuka manyan motoci, dan wasan gaban Bayern Munich ya dukufa wajen ba da goyon baya ga mutanensa.

Toure, tsohon dan wasan Barcelona da Manchester City ya shaida wa Match of the Day Africa cewa: “Yadda yake mu’amala da al’amura cikin kwanciyar hankali da kuma goyon bayan da yake baiwa mutanensa a kasarsa abin mamaki ne.”

“Wasu kwanaki, nakan yi fushi idan na karanta kafofin watsa labaru game da shi kuma wani ɗan jarida zai tambaye shi, ‘Me ya sa ba ka da Ferrari’, sai ya ce, ‘A’a, ba na bukata. Na fi son samun mota ta al’ada’.

“Bayan wata biyu mun gan shi. Ya kasance yana yin abubuwa a ƙasarsa ta haihuwa. Shi babban misali ne.”

Mane, wanda ya koma Bayern Munich daga Liverpool kan yarjejeniyar da ta kai fam miliyan 35, ya ci kwallaye 12 a wasanni 38 da ya buga a kungiyar a yanzu.

Subscribe to Our VIP Newsletter

[newsletter_signup_form id=1]