Gwamnan jihar Yobe, Mai Mala Buni, ya bukaci shugabannin gargajiya da na addini da su yi wa’azin zaman lafiya tsakanin al’ummarsu.
Buni ya bayyana hakan ne a ranar Larabar da ta gabata a wani sakon Sallah ta hannun mai magana da yawunsa, Mamman Mohammed a Damaturu.
“Bari in yi kira ga matasanmu da su yi bikin Sallah lafiya, musamman tare da kiyaye dokokin hanya.
“Hukumomin tsaro za su tabbatar da bin doka da oda don gudanar da bukukuwan Sallah cikin lumana da nasara”, in ji Gwamna Buni.
A lokacin da yake taya al’ummar musulmi murnar zagayowar bikin Eid-el-Kabir Sallah, gwamnan ya tabbatar wa al’ummar jihar cewa gwamnatinsa za ta mayar da hankali wajen samar da kayayyakin more rayuwa da inganta rayuwar jama’a.
“A sabon salon za mu inganta dogaro da kai da samar da ayyukan yi don ci gaban tattalin arzikin jama’armu, musamman matasa”, in ji shi.
Ya kuma bada tabbacin bude kofa domin bawa kowa damar shiga da kuma bada gudumawa ga cigaban jihar ba tare da la’akari da bambancin al’adu da siyasa ba.
Buni ya kuma yi addu’ar Allah SWT ya karbi addu’o’i da layya da addu’o’in muminai.
Subscribe to Our VIP Newsletter
[newsletter_signup_form id=1]
