Makusancin Atiku ya rasu a Dubai

Abdullahi Nyako, sakataren sirri na dan takarar shugaban kasa a jam’iyyar PDP, Atiku Abubakar, ya rasu.

Mai taimaka wa Atiku kan harkokin yada labarai, Paul Ibe, ya tabbatar da hakan a wata sanarwa.

Ya ce Nyako, wanda lauya ne, ya mutu da sanyin safiyar Alhamis.

Ibe bai bayyana musabbabin mutuwar ba, amma ya bayyana Nyako a matsayin “dadewar abokin tarayya kuma mai kula da tsohon mataimakin shugaban kasa”.

“Abdullahi ya fi mataimaki, dangi ne a gare ni ta kowace fuska. Ya bauta mini da aminci da himma. Za a yi kewarsa sosai.

“A madadin iyalina, ina so in mika sakon ta’aziyyata ga iyalan Nyako tare da yi musu addu’ar Allah Madaukakin Sarki Ya yi musu ta’aziyya da karfafa musu gwiwa. Allah ya gafarta masa, ya saka masa da Aljannar Firdausi. Ameen,” sanarwar ta kara da cewa.

Mutuwar Nyako ta zo ne shekaru uku bayan Atiku ya rasa wani na kusa da shi Umar Pariya.

Subscribe to Our VIP Newsletter

[newsletter_signup_form id=1]