Wani makaho mai shekaru 67, Aliyu Adebiyi da kuma wani kuturu, Haruna Abdullahi suna hannun hukumar yaki da fataucin miyagun kwayoyi ta kasa NDLEA bisa zargin safarar miyagun kwayoyi.
Daraktan yada labarai da bayar da shawarwari, NDLEA, Mista Femi Babafemi, a cikin wata sanarwa, ya bayyana cewa, “An kama Adebiyi da 234kg na tabar wiwi.”
A cewar sanarwar, a jihar Osun, jami’an NDLEA a ranar Juma’a sun kama wani kaka makaho mai shekaru 67 mai suna Aliyu Adebiyi, wanda a gidansa suka gano tabar wiwi mai nauyin kilogiram 234 a kauyen Sokoto, Owena Ijesa, a karamar hukumar Atakumosa ta Gabas.
Kakakin ya bayyana cewa wani dillalin miyagun kwayoyi ya ajiye masa kayan a kan kudi Naira 6,000 duk wata kuma ya biya na tsawon watanni uku a gaba.
Sanarwar ta kara da cewa, a ranar Alhamis din da ta gabata a garin Garko da ke Kano, an kama Abdullahi mai shekaru 45, wanda ya yi kaurin suna wajen safarar muggan kwayoyi da tabar wiwi mai nauyin kilogiram 2.2, inda ta kara da cewa an kwato nau’ukan diazepam da exol daban-daban daga gare shi.
Subscribe to Our VIP Newsletter
[newsletter_signup_form id=1]
