Wani ƙudiri da aka gabatar a gaban Majalisar Wakilai ta ƙasa da ke son a yi wa Dokar Haramta Auren Jinsi kwadkwarima ya nemi a haramta Ɗan Faudu a ƙasar.
Da yake karanto sashe na 4 na dokar ranar Talata, ɗan majalisa mai wakiltar Toro daga Jihar Bauchi, Umar Muda Lawal, ya nemi a haramta daudu a fili ko kuma a ɓoye.
Ya nemi a saka ɗaurin wata shida a cikin dokar ko kuma tarar Naira 500,000 ga duk wanda aka kama a matsayin ɗan daudu.
Ɗan majalisar na so a ƙara wani ƙaramin sashe na 4 cikin baka a cikin Dokar Haramta Auren Jinsi ta 2013 da zai ayyana cewa: “Duk wanda aka kama yana aikata daudu ya yi laifin da zai iya fuskantar hukuncin zaman gidan yari na wata shida ko kuma tarar N500,000.”
A jiya Talata ne ‘yan majalisar suka yi wa ƙudirin karatun farko. Sai sun yi karatu na biyu da na uku sannan ya zama doka.
Subscribe to Our VIP Newsletter
[newsletter_signup_form id=1]
