A ƙarshen makon nan ne mai tsaron ragar Bayern Munich da Jamus Manuel Neuer zai dawo taka leda, sama da watanni 10 bayan raunin da ya samu a ƙafarsa.
Neuer, mai shekaru 37, ya samu raunin ne a watan Disamba 2022 kuma ya dawo horon ƙungiyar a ƙarshen watan Satumbar da ta gabata.
Bayern za ta karɓi bakuncin Darmstadt a gasar Bundesliga ranar Asabar.
Bayan da ya buga wasan ƙarshe a Bayern a karawar da tsohuwar ƙungiyarsa ta Schalke ranar 12 ga watan Nuwamban bara, Neuer ya ɗan jinkirta dawowa atisaye sakamakon wasu matsalolin da suka ɓullo yayin da ya ke murmurewa daga raunin.
Subscribe to Our VIP Newsletter
[newsletter_signup_form id=1]
