Wani dillalin mota mai suna Mohammed Manga, ya gigice bayan da wani abokin ciniki mai suna Henry ya yi amfani da wata mota kirar Mercedes Benz GLB 250 wadda kudinta ya kai sama da Naira miliyan 55 ya gudu da motar bayan ya hau ya yi gwaji a unguwar Abuja.
Wani abokin Manga, wanda shi ma yana sana’ar siyar da mota ne ya kai motar ga Henry, wanda zai iya siyan motar.
Bayan tattaunawa, Henry ya nemi motar gwaji kuma abokin Manga ya haɗa shi.
Lamarin ya dauki sabon salo sa’ad da abokin Manga ya fito daga cikin motar ya ciro kudi ya sayi mai.
Henry, wanda ke kan kujerar direban, ya yi amfani da damar da ya yi don gudun motar zuwa wani wuri da ba a sani ba.
Da yake ba da labarin abin da ya faru, Manga ya ce, “Wani abokina ya kira ni ya gaya mani cewa yana so ya kai ta Mercedes Benz GLB 250 ga wani abokin ciniki. Ya dauki motar zuwa ofishinsa, abokin ciniki ya zo wurin. Ya ce abokin ciniki ya bayyana kansa a matsayin Henry daga Gwarinpa kuma ya ga motar a kasuwar yanar gizo.
“Ya ga motar ya ce yana sonta; sun yi shawarwarin N55m akan motar sai yace OK sannan ya bukaci a gwada tukin motar. Ya tuka mota tare da abokina zaune a gefen motar, suka fito zuwa wurin da ake ajiye motoci daura da wurin wankin mota na atomatik a garin Garki domin siyan fetur kafin a fara gwajin.
“Amma nan take abokina ya fito daga motar da ke gidan man domin karbar kudi daga ma’aikacin PoS domin ya sayo mai, mutumin ya zagaya da motar. Kun san yadda abin yake, babu zirga-zirga, babu tsayawa a Abuja kuma a haka ya tsere da motar.”
Manga ya kai rahoton faruwar lamarin ga sashin yaki da satar mota, inda ya bada cikakkun bayanai kan motar da aka sace: Mercedes Benz GLB 250 mai launin toka mai nisan mil 19,000.
Jami’ar hulda da jama’a na rundunar ‘yan sandan babban birnin tarayya, Josephine Ameh, ta tabbatar da faruwar lamarin, ta kuma bayyana cewa ‘yan sanda na kan bin sawun wanda ake zargin.
Subscribe to Our VIP Newsletter
[newsletter_signup_form id=1]
