Wani mahaifi mai shekaru 60, Malam Bala da dansa, Sunusi Bala mai shekaru 35, sun nutse a ruwa ranar Laraba a Kano.
Mutanen biyu sun rasa rayukansu ne a Sabon Garin Bauchi, cikin karamar hukumar Wudil, a lokacin da suke kwashe ruwa daga rijiya.
Kakakin hukumar kashe gobara ta jihar, Saminu Abdullahi, ya bayyana cewa, lamarin ya faru ne da safiyar Talata.
A cikin wata sanarwa da ya fitar, Abdullahi ya ce, an kai wa ofishin kashe gobara ta Wudil da misalin karfe 11:30 na safe ta wani Isma’ila Idris.
“An kira wani uba da dansa domin su yashe rijiya, sun yi nasarar yashe ta.
“Amma, dan ya koma cikin rijiyar ya share ta a lokacin da ya makale ya shake.
“Mahaifinsa ya bi shi don ceto shi, lokacin da shi ma ya makale ya shake saboda rashin iskar oxygen a cikin rijiyar”, Abdullahi ya ce.
An fito da wadanda abin ya shafa daga rijiyar a sume kuma daga baya aka tabbatar da mutuwarsu.
Abdullahi ya kara da cewa, an mika gawarwakin ga Insp Felix Gowok na ofishin ‘yan sanda model na Wudil.
Subscribe to Our VIP Newsletter
[newsletter_signup_form id=1]
