Shugaban ofishin hukumar jarabawar Afirka ta Yamma a Najeriya (WAEC), Patrick Areghan, a ranar Alhamis, ya ce, an kama wasu ma’aikata kusan 10, bisa zarginsu da hannu wajen tafka magudin jarrabawar kammala sakandare da ake yi.
Areghan, wanda ya bayyana hakan a lokacin da yake duba jarrabawar a cibiyoyi hudu a Abuja, ya ce, an kama su ne a jihohin Legas da Kano da Beyelsa da kuma Kaduna.
“Babban matsalarmu ta ta’allaka ne a kan masu kula da su saboda kadan ne daga cikinsu suke da abin dogaro, kuma abin takaici wadannan su ne masu kula da ma’aikatar ilimi ta jihohi daban-daban ta nada muka dauke su aiki. Ba mu da ikon zaɓe kowane mai kula da kanmu kawai mun yi amfani da ƙwararrun malamai da ma’aikatar ta kawo mana.
Subscribe to Our VIP Newsletter
[newsletter_signup_form id=1]
