Sama da magoya bayan jam’iyyar PDP dubu daya da dari biyar ne suka sauya sheka zuwa jam’iyyar APC mai mulki a kauyen Ilirowa da ke karamar hukumar Buji a jihar Jigawa.
Da yake karbar wadanda suka sauya sheka a ranar Litinin, dan majalisar jihar mai wakiltar mazabar Birnin Kudu, Siraja Muhammad Kantoga ya yaba da matakin da suka dauka na ficewa daga PDP.
Dan majalisar wanda ya samu wakilcin kodinetan sa, Nura Suleiman Jidawa, ya ba su tabbacin samun daidaito kamar kowane dan jam’iyyar.
Sai dai ya bukace su da su yi aiki tukuru domin samun nasarar jam’iyyar a zaben 2023 mai zuwa.
“Kauyen Ilirowa na daya daga cikin jiga-jigan jam’iyyar PDP kuma da wannan ci gaban da aka samu, na tabbata babu sauran PDP a yankin,” inji shi.
Da yake jawabi a madadin wadanda suka sauya sheka, Malam Lasisi ya ce sun yanke shawarar ficewa daga PDP zuwa APC ne bisa kyawawan manufofinta da shirye-shiryenta na ci gaban jihar da kasa baki daya.
Subscribe to Our VIP Newsletter
[newsletter_signup_form id=1]
