Ma’aikatan Jinya 150 sun bar aiki a Legas

Asibitin koyarwa na jami’art jihar legas ya ce, fiye da ma’aikatan jinya 150 ne suka bar aiki a asibitin cikin shekara uku da suka gabata.

Babban Daraktan asibitin Farfesa Adetokunbo Fabamwo ne ya bayyana haka a lokacin da yake gabatar da jawabi ga taron manema labarai a jihar.

Farfesa Fabamwo ya ce barin aikin ma’aikatan jinyan ya samo asali ne sakamakon ficewa daga ƙasar domin tafiya ƙasashen waje da ma’aikatan lafiya a ƙasar suka gano.

Daraktan asibitin ya ce ƙoƙarin da gwamnatin jihar ke yi na maye guraben ma’aikatan ne ya hana tsayawar aiki a asibitin.

Ya ƙara da cewa a baya-bayan nan adadin takardun masu neman aikin jinya da aikin likita ya ragu a asibitin.

Subscribe to Our VIP Newsletter

[newsletter_signup_form id=1]