Hukumar Kwastam ta gudanar da gwanjon lita 20,000 na man fetur a ranar Asabar a tashar mai ta Afoo da ke unguwar Masfala, Ibadan, Jihar Oyo, kan farashin N630 kowace lita.
Kwamptrola Hussein Ejibunu, ko’odinetan aikin Operation Whirlwind, ne ya kaddamar da sayar da man, wanda aka kama daga hannun masu safarar kaya ta barauniyar hanya. Ya bayyana cewa jarkoki 30 na man fetur kowacce na dauke da lita 25, wanda aka kama a kayi gwanjonsu.
Jimlar lita 30,750 da aka kama an kiyasta darajarta ya kai Naira miliyan 42.75.
A cewar Ejibunu, gwanjon ya biyo bayan umarnin kotu,wanda ya bayar da izinin gwanjon. Ya ce shugaban hukumar Kwastam, Bashiru Adeniyi, ne ya bada umarnin sayar da man domin saukaka samun mai ga jama’a a lokacin bikin karshen shekara.
Ya kuma yi gargadi ga masu safarar kaya ta barauniyar hanya, yana mai cewa duk wanda aka kama zai fuskanci hukunci.
Subscribe to Our VIP Newsletter
[newsletter_signup_form id=1]
