Hukumar Kwastam a Ikeja, a ranar Alhamis, ta ce, ta kama buhunan shinkafa ‘yar waje mai guba da aka shigo da su daga kasar Indiya, aka kuma yi safarar su ta Jamhuriyar Benin zuwa cikin kasar.
Da yake jawabi yayin ganawa da manema labarai a Legas, mukaddashin Kwanturola na FOU, shiyyar A, Hussein Ejibunu, ya ce, hukumar kula da ingancin magunguna ta kasa (NAFDAC) ta yi gwajin shinkafar kasar waje, inda ta tabbatar da cewa, shinkafar na dauke da dalma (a). soft heavy toxic malleable metallic element), wanda ke da guba ga lafiyar jama’a, ko da yake ya ce, an kama mutane 12 da ake zargi da hannu wajen kame daban-daban.
Bayan mun kama shinkafar da aka yi fasakwaurin ne, sai muka kira hukumar NAFDAC, domin gudanar da binciken dakin gwaje-gwaje, an tattaro cewa, shinkafar mai suna SIMBA ta kunshi sinadarin gubar. Abun da ya kunsa yana da guba ga jiki kuma yana da hadari ga lafiyar jama’a”, in ji shi.
Ejibunu ya kuma ce, rundunar ta kama PMS lita 55,800, bale 73 na rigunan da aka yi amfani da su, firji guda 82, na’urar kwampressor guda 104, bales na sabbin masaku 143, tayoyin da aka yi amfani da su guda 1,264, katan 156 na daskararrun kaji guda 7,960. sababbin takalma da sauransu.
Ya yi bayanin cewa, bisa tsarin gwamnatin tarayya na karfafa noman shinkafa a cikin gida a kan shigo da shinkafar da ake shigowa da su waje, hukumar ta Kwastam, ta kama buhunan shinkafa 7,259 (na kilo 50 kowanne) wanda kwatankwacin manyan motoci sama da goma sha biyu (12) ne. .
Subscribe to Our VIP Newsletter
[newsletter_signup_form id=1]
