Raimi Olayiwola Aminu, kwamishinan ma’aikatar gine-gine, filaye da gidaje na jihar Ondo, ya yi murabus daga mukamin nasa.
Wannan ci gaban na zuwa ne kasa da awanni 24 bayan an rantsar da Lucky Aiyedatiwa a matsayin sabon gwamnan jihar Ondo bayan rasuwar Oluwarotimi Akeredolu.
A wata wasika da ya aike wa sakataren gwamnatin jihar, Gimbiya Oladunni Odu, Aminu ya ce murabus din na sa ya fara aiki ne daga ranar Alhamis 28 ga watan Disamba.
A cewarsa, ya yanke shawarar ne bisa lamirinsa, bayan da shugabansa kuma ‘babban ubangidansa, Arakunrin Oluwarotimi Odunayo Akeredolu, SAN, CON, ya shiga kungiyar Saint Triumphant’.
“Ina mika godiya ta gaske ga masoyinmu Arakunrin da mutanen jihar nan, bisa damar da suka samu na yin aiki a majalisarsa a matsayin babban mataimaki na musamman kan filaye da ababen more rayuwa, mai ba da shawara na musamman kan filaye, ayyuka da samar da ababen more rayuwa da kuma kwamishinan samar da ababen more rayuwa, filaye da gidaje.”
Subscribe to Our VIP Newsletter
[newsletter_signup_form id=1]
