Kwamishinan Ganduje ya fice daga jam’iyyar APC

Tsohon kwamishinan tsare-tsare da kasafin kudi na jihar Kano, Nura Dankadai, ya fice daga jam’iyyar All Progressives Congress (APC).

Ya bayyana hakan ne a wata takarda da ya aike wa shugaban gundumar Tsohon Gari da ke karamar hukumar Tudun Wada.

A watan Afrilu ne Dankadai da sauran kwamishinoni suka yi murabus daga mukamansu, domin tsayawa takara a mukamai daban-daban kamar yadda Gwamna Abdullahi Umar Ganduje ya ba su umarni.

Ya nuna sha’awarsa tsayawa takarar kujerar Majalisar Tarayya mai wakiltar mazabar Tudun Wada/Doguwa.

Duk da cewa bai bayyana alkiblar sa ta gaba a hukumance ba, amma ana ta rade-radin cewa, zai koma jam’iyyar New Nigeria Peoples Party (NNPP) karkashin jagorancin tsohon gwamnan Kano, Rabi’u Kwankwaso.

Subscribe to Our VIP Newsletter

[newsletter_signup_form id=1]