Kwallon kafa za ta mutu a Najeriya idan Super Eagles ta gaza – Oliseh

Tsohon kocin Super Eagles, Sunday Oliseh, ya yi gargadin cewa, kwallon kafa a Najeriya za ta mutu idan har ta kasa tsallakewa zuwa gasar cin kofin duniya ta 2026.

Zakarun Afirka sau uku sun kasa samun damar zuwa gasar 2022 a Qatar.

Sun yi rashin tikitin ne a hannun abokan hamayyar Afirka ta Yamma, Ghana, a lokacin da ake fafatawar.

Eagles din sun taka leda a gasar cin kofin duniya sau uku a baya kafin su kasa samun gurbi a Qatar 2022.

Oliseh ya bayyana haka ne a wata hira da yayi da gidan Talabijin na ARISE TV a ranar Litinin da ta gabata, inda yace “Kwallon kafan Najeriya zai mutu idan har muka kasa tsallakewa zuwa gasar cin kofin duniya mai zuwa.”

“Mun riga mun kasance a bayan kasashe da yawa saboda ba mu cancanta ba ( Qatar 2022) kuma mun kasance a baya saboda ba mu shiga gasar cin kofin duniya ba.

“Kwallon ƙafa addini ne a ƙasar nan, amma idan ba ku da ingantaccen gasar, ba za ku iya samun kyakkyawar ƙungiyar ƙasa ba.”

Amurka, Mexico da Kanada ne za su dauki nauyin gasar cin kofin duniya na 2026.

Subscribe to Our VIP Newsletter

[newsletter_signup_form id=1]