Kudurin saar da hukumar yi wa Jam’iyyu rijista ya tsallake karatu na biyu

Majalisar Wakilai ta gabatar da wani ƙudirin da zai ƙwace wa hukumar zaɓe ikonta na yi wa jam’iyyun siyasa rajista da kula da ƙa’idojin jam’iyyun.

ƙudurin wanda kakakin majalisar wakilai,Tajudeen Abbas tare da haɗin gwiwar Marcus Onobun daga jihar Edo suka gabatar, ya buƙaci a samar da wata hukuma mai zaman kanta da za ta kula da batun yi wa jam’iyyu rajista da kula da ƙa’idojinsu da ɗaukar nauyin jam’iyyun.

Tuni dai ƙudirin ya wuce karatu na biyu a zauren majalisar.

Haka kuma ƙudirin ya buƙaci da kafa kotu ta musamman don sauraron ƙorafe-ƙorafen jam’iyyu domin magance rigingimu tsakanin mambobin jam’iyyu.

Yayin da yake gabatar da ƙudirin, Hon. Onobun ya ce matakin ya zama wajibi, la’akari da yadda ake yawan samun rigingimun tsakanin jam’iyyu da mambobinsu.