Ɗan Majalisar Dattawan Najeriya Ike Ekweremadu da matarsa sun sake gurfana a gaban kotu a London, bisa zarginsu da hada baki wajen kai wani mutum kasar Birtaniya, domin bayar da gudummawar wasu sassan jikinsa.
Alkalin kotun ya amince da cewa, wanda ya shigar da karar ba yaro bane kamar yadda aka ruwaito a baya.
Beatrice mai shekaru 56 ta bayyana a gaban kotun sanye da bakar riga ƴar ciki, da fara mai duhu a sama.
Shi kuwa mijinta Ike mai shekaru 60 ya bayyana ne sanye da ƙananan kaya da tabarau a idonsa.
An zaunar da wani jami’in gidan kason da suke a tsakanin sanatan da matarsa.
Mataimakin Babban Alkalin Kotun, Tan Ikram ne ya jagoranci zaman na tsawon mintuna 20, wanda ya aike da karar zuwa Old Bailey domin sauraren karar ranar 4 ga watan Agusta.
Wajen ya cika da magya baya da ƴan uwa da abokan arzikin Sanatan da suke je don ƙara masa ƙwarin guiwa.
Yanzu dai zai ci gaba da kasancewa a gidan yari, kafin ranar 5 ga wata mai zuwa da za a ci gaba da sauraron ƙarar a kotun Old Bailey.
Subscribe to Our VIP Newsletter
[newsletter_signup_form id=1]
