Wata kotun Majistare da ke Abeokuta a jihar Ogun a ranar Alhamis ta yanke wa wani makiyayi mai suna Abdulahi Adamu mai shekaru 38 hukuncin daurin shekaru bakwai a gidan yari, bisa samunsa da laifin zamba da satar shanun da suka kai sama da Naira miliyan 43.
Adamu an yanke masa hukunci ne bisa wasu tuhume-tuhume guda uku da suka hada da hada baki, zamba da kuma sata.
Da take yanke hukuncin, mai shari’a Olajumoke Somefun, ta ce, dukkan shaidun da masu gabatar da kara suka gabatar sun tabbatar da babu shakka cewa, wanda ake tuhuma yana da laifi kamar yadda ake tuhumarsa.
Somefun ta bayyana cewa bayan gano wanda ake tuhumar yana da laifi kamar yadda ake tuhumarsa, amma ta yanke masa hukuncin daurin shekaru bakwai a gidan yari tare da zabin tarar Naira dubu 250,000.
Ta kara da cewa za a fara amfani da zabin tarar ne idan aka dawo da duk wasu shanu 259 da wanda aka yankewa laifin ya sace.
Tun da farko, mai gabatar da kara, ASP Olakunle Shonibare, ya shaida wa kotun cewa, wanda ake tuhuma ya aikata laifin ne a ranar 12 ga watan Satumba a kauyen Alamutu ta hanyar shataleyalen, a Abeokuta.
Subscribe to Our VIP Newsletter
[newsletter_signup_form id=1]
