Kotu ta tsayar da ranar yanke hukunci tsakanin Tinubu da Atiku da Obi

A karshe dai kotun koli ta sanya ranar Alhamis 26 ga watan Oktoba domin yanke hukunci na karshe a kararraki biyu da suka rage na kalubalantar halascin ko akasin haka na ayyana shugaba Bola Tinubu a matsayin wanda ya lashe zaben shugaban kasa da ya gabata.

Koke ne da dan takarar shugaban kasa na jam’iyyar PDP, Atiku Abubakar, da takwaransa na jam’iyyar Labour, LP, LP, Peter Gregory Obi suka shigar.

Daraktan yada labarai na kotun koli, Dr Aemeri Festus Akande, ya tabbatar da faruwar lamarin a ranar Laraba.

Ya ce an samar da isassun tsare-tsare na tsaro domin dakile tabarbarewar tsaro a ciki da wajen harabar kotun.

A ranar Litinin din da ta gabata ne wani kwamiti mai mutum 7 na Alkalan Kotun karkashin jagorancin Mai Shari’a John Inyang Okoro ya dauki hujjar karshe daga lauyoyin ga wadanda suka shigar da kara.

Subscribe to Our VIP Newsletter

[newsletter_signup_form id=1]