Kotu ta rushe shugabancin Sagagi mai biyayya ga Kwankwaso

A ranar Litinin ne kotun daukaka kara da ke Abuja ta yi watsi da hukuncin wata babbar kotun tarayya da ta amince da Shehu Sagagi a matsayin shugaban jam’iyyar PDP na Kano.

Sagagi, wanda tsohon gwamna Rabiu Kwankwaso ya nada a matsayin shugaban jam’iyyar a jihar, ana zarginsa da biyayya ga tsohon shugaban jam’iyyar, wanda a yanzu ya koma jam’iyyar New Nigeria Peoples Party, NNPP.

A ranar 29 ga watan Maris ne kwamitin gudanarwa na jam’iyyar PDP na kasa, NWC, ya rusa kwamitocin gudanarwa na jam’iyyar reshen jihar Kano, na jiha, da kananan hukumomi, tare da nada kwamitin riko mai mutum 6 a matsayin wanda zai maye gurbinsa.

A ranar 25 ga Mayu, Mai shari’a Taiwo Taiwo ya ba da umarnin ci gaba da tsare hedikwatar PDP daga tsige Mista Sagagi daga mukaminsa har zuwa karshen wa’adinsa a watan Disamba 2024.

Mai shari’a Taiwo ya bayyana cewa NWC ko wata kungiya na jam’iyyar ba ta da ikon rusa shugabannin jahohin da aka zaba ta hanyar majalisa.

Sai dai kotun daukaka kara a ranar Litinin din da ta gabata ta yi watsi da hukuncin mai shari’a Taiwo, inda ta ce lamarin cikin gida ne na jam’iyyar, kuma jam’iyyar na da hurumin rusa shugabannin Kano. In ji Daily Nigerian.

Subscribe to Our VIP Newsletter

[newsletter_signup_form id=1]