Kotu ta kori dan takarar gwamna a Enugu

Wata babbar kotun tarayya da ke Abuja ta kori Chijioke Edeoga a matsayin dan takarar gwamna na jam’iyyar Labour a jihar Enugu.

Ku tuna cewa Evarest Nnaji, wanda aka fi sani da Odengene ya garzaya kotun Abuja domin kalubalantar zaben fidda gwani da aka gudanar a watan Mayu wanda ya samar da Chijioke a matsayin dan takarar jam’iyyar.

Mai shari’a Evelyn Maha wacce ta yi watsi da zaben fidda gwanin ta umurci jam’iyyar ta gudanar da sabon zaben fidda gwani a cikin kwanaki 14.

Mutanen biyu dai ‘ya’yan jam’iyyar PDP ne amma a farkon shekarar sun sauya sheka ne domin fafatawar neman tikitin jam’iyyar LP na zaben gwamna mai zuwa.

Subscribe to Our VIP Newsletter

[newsletter_signup_form id=1]