Wata babbar kotun jihar Legas da ke zama a dandalin Tafawa Balewa ta yanke wa wani direban mota Andrew Nice Ominikoron hukuncin kisa ta hanyar rataya.
An yanke wa Ominikoron, wani direban mota kirar Lagos Bus Rapid Transit (BRT) hukuncin kisa bisa samunsa da laifin kashe Bamise Ayanwola, wata matashiya mai shekaru 22 da haihuwa.
Sherifat Sonaike, alkalin kotun, ta yanke hukuncin ne a ranar Juma’a.
An zargi Ominikoron da sauran su da laifin hada baki, fyade da kashe Bamise.
A watan Fabrairun 2022, Bamise ta shiga motar bas ta BRT amma ba ta kai ga inda za ta ba.
Daga baya jami’an tsaro sun gano jikinta tsirara a gefen hanya.
Daga karshe dai an kama direban BRT da ta shiga inda aka gurfanar da shi a gaban kotu bisa laifin kisan kai.
Direban mai suna Ominikoron ya musanta aikata laifin amma yanzu an yanke masa hukuncin kisa.
Subscribe to Our VIP Newsletter
[newsletter_signup_form id=1]
