Wata babbar kotun jihar Ekiti, ta yanke hukuncin kisa ta hanyar rataya ga Stephen Omoniyi dan shekaru 42, bisa laifin kashe wani sarki a jihar shekaru hudu da suka gabata.
An gurfanar da Omoniyi ne a gaban kotu bisa tuhume-tuhume guda na kisan kai da ya saba wa sashe na 316 da kuma hukunta shi a karkashin sashe na 319 na kundin laifuffuka, Cap C16, Laws na Jihar Ekiti ta Najeriya, 2012.
Wanda aka yanke wa hukuncin a ranar 20 ga watan Agusta 2018 ya kashe basaraken Odo Oro Ekiti a karamar hukumar Ikole, Gbadebo Ibitoye Olowoselu ll.
Lauyan jihar, Adegboyega Morakinyo, ya kira shaidu biyar tare da gabatar da rahoton lafiyarsa, bayanan mai laifin, wuka, da igiya da dai sauransu a matsayin shaida yayin da mai laifin ya yi magana a kan kare kansa ta bakin lauyansa, Tope Amr Salami, kuma bai bayyana shaida ba.
Subscribe to Our VIP Newsletter
[newsletter_signup_form id=1]
