Wata babbar kotun tarayya da ke zamanta a Maitama, ta bayar da belin tsohon gwamnan babban bankin Najeriya, Godwin Emefiele.
An bayar da belinsa a kan kudi Naira miliyan 300.
A wani hukunci da ya yanke a ranar Laraba, Mai shari’a Hamza Muazu ya ce Emefiele ya gabatar da mutum biyu da za su tsaya masa, wadanda tabbas sun mallaki dukiya a gundumar Maitama da ke babban birnin tarayya Abuja.
Emefiele bai kasance a gaban kotu ba yayin zaman na yau, inda aka tsare shi a gidan yarin Kuje a makon jiya.
Wata babbar kotun birnin tarayya ta bayar da umarnin a sake shi makonni biyu da suka gabata a cikin wata babbar kotu ta kare hakkin dan Adam da ya shigar a kan gwamnatin tarayya.
Kotun ta dage zaman har zuwa ranar 28 ga watan Nuwamba domin fara shari’ar.
Subscribe to Our VIP Newsletter
[newsletter_signup_form id=1]
