Kotun majistare da ke jihar Ogun, ta bayar da belin shahararren mawakin Najeriya, Habeeb Okikiola, wanda aka fi sani da Portable, bayan gurfanar da shi a gabanta a yau Litinin.
Rundunar ƴan sanda ce ta gurfanar da shi a kotu bisa zargin sa da far wa wani.
Sai dai wanda ake zargin ya musanta tuhumar da aka karanta masa.
Lokacin da ya yanke shari’a, alƙalin kotun, A.S Shoneye ya ce, za a iya bayar da belin wanda ake tuhuma da irin wanna laifi.
A kan haka ne ya bayar da belin nasa kan kudi N300,000 da kuma mutum biyu da za su tsaya masa.
Sai dai kotun ta bayar da umurnin tsare Portable a gidan gyaran hali har sai ya cika ƙa’idojin belin.
Yanzu haka kotun ta ɗage sauraron ƙarar har sai ranar 26 ga watan Afrilu.
Subscribe to Our VIP Newsletter
[newsletter_signup_form id=1]
