An yanke wa wani tsohon mai ba da shawara ga shugaban karamar Hukumar Giwa a jihar Kaduna hukuncin zaman gidan yari na tsawon shekara 12.
An samu Hassan Dauda da laifin sace kudin aikin Hajji na wasu mutane da suka kai Naira miliyan shida da dubu dari uku da arba’in da biyu.
Babbar kotun jihar ce, ta yanke masa hukuncin, bayan an zarge shi da cinye kudin aikin Hajjin wasu mutum 8.
An dai zarge shi da amfani da matsayinsa na mai bada shawara na musamman ga shugaban karamar hukuma wajen karbar kudin aikin Hajjin mutanen tare da yi musu alwakrn sama musu kujera aikin Hajji a shekarar 2013.
Alkalin kotun, Justice M.T Aliyu, ya same shi da laifin yaudara abin da ya sa aka yanke masa hukuncin shekara 7 a gidan yari, sai kuma, shekara 5, saboda amfani da matsayinsa ba bisa ka’ida ba.
Subscribe to Our VIP Newsletter
[newsletter_signup_form id=1]
