A ranar Alhamis ne wata kotun majistare da ke Kaduna, ta yanke wa wasu tagwaye mata, Sarah ‘yar shekara 27 da Felicia David ‘yar shekara 25, hukuncin daurin watanni biyar a gidan yari, bayan da suka yi wa makwabciyar su duka.
’Yan uwa mata da ke zaune a Sabon Tasha, Kaduna, sun amsa laifinsu na cin zarafi, barna da kuma aikin hadin gwiwa.
Alkalin kotun, Ibrahim Emmanuel, ya ba su zabin biyan tarar Naira 15,000 kowanne.
Tun da farko, Lauyan masu shigar da kara, Sufeto Chidi Leo, ya shaida wa kotun cewa, Na Esther Francis, mai wannan jawabi ce ta kai rahoton lamarin a ranar 28 ga watan Afrilu a ofishin ‘yan sanda na Sabon Tasha.
Leo ya ce, wadanda aka yanke wa hukuncin sun lakada wa mai karar dukan tsiya a lokacin da aka samu rashin fahimtar juna, inda suka yayyaga mata tufafi tare da lalata wayarta da kudinta ya kai Naira 98,000.
Ya ce, laifin ya ci karo da tanadin sashe na 348, 365 da 327 na dokar jihar Kaduna ta shekarar 2017.
Subscribe to Our VIP Newsletter
[newsletter_signup_form id=1]
