Birnin Shanghai na ƙasar China, ya dakatar da duka ɗaliban birnin daga zuwa makaranta inda ya dawo da tsarin karatu daga gida sakamakon ƙaruwar cutar korona.
A wata sanarwa da ma’aikatar ilimi ta birnin ta fitar, har makarantun nazire da cibiyoyin kula da yara da ba su isa shiga aji ba an ba su umarnin rufewa.
Adadin masu cutar na ta ƙaruwa tun bayan da Beijing ta yi watsi da tsarinta na yaƙi da cutar baki ɗaya wanda ta shafe lokaci a kai.
Gwamnatin ƙasar ba ta bayar da rahoto kan wani da ya mutu ba sakamakon cutar tun bayan da aka ɗage takunkumai, sai dai ana fargabar akwai yiwuwar jama’a da dama su jikkata musamman tsofaffi.
Babban abin damuwa a halin yanzu shi ne wuraren kula da lafiya na ƙasar ba lallai bane su iya jure irin ƙaruwar da za a rinƙa samu ta marasa lafiya.
Subscribe to Our VIP Newsletter
[newsletter_signup_form id=1]
