Tsohon dan majalisar wakilai, Abdulmumin Jibrin ya koma jam’iyyar New Nigeria People’s Party (NNPP) a hukumance.
Ku tuna cewa Jibrin, wanda shi ne Darakta Janar na Kungiyoyin Tallafawa Bola Tinubu ya bayyana cewa zai bar jam’iyyar All Progressives Congress a wani sako da ya wallafa a shafinsa na Twitter a ranar Asabar, 7 ga Mayu, 2022.
Kofa dai bai fito fili ya bayyana dalilin da ya sa ya fice daga APC ba, amma ya yi takama a cikin sanarwar da ya bayar cewa, ya bai wa jam’iyya mai mulki abin da ya dace kuma lokaci ya yi da za a ci gaba.
“Na yi iya kokarina ga APC. Lokaci yayi don ci gaba. Zan sanar da sabuwar jam’iyyar siyasa ta nan da awanni 24 masu zuwa insha Allahu. Zan yi bayani a hukumance a kan lokaci,” Jibrin ya rubuta a cikin sakon wanda ya jawo martani.
Subscribe to Our VIP Newsletter
[newsletter_signup_form id=1]
