Kodinetan Kwankwaso ya koma PDP

Kodinetan jam’iyyar New Nigeria Peoples Party, NNPP na jihar Bauchi, kuma kwamitin yakin neman zaben dan takarar shugaban kasa, Rabi’u Kwankwaso, Babayo Liman ya sauya sheka zuwa jam’iyyar PDP.

Liman ya bayyana sauya shekar sa zuwa PDP ne a wani taron manema labarai jiya a Bauchi.

Sakataren jam’iyyar NNPP na shiyyar Arewa maso Gabas ya ce ya bar jam’iyyar ne saboda rashin tsarin da zai ci zabe.

Ya ce: “Ina so in sanar da jama’a a hukumance, musamman ‘yan jam’iyyar NNPP a jihar Bauchi da Arewa maso Gabas da Najeriya baki daya, cewa na yi murabus daga matsayina na dan jam’iyyar NNPP.

“Na kuma yi murabus daga mukamin sakataren shiyyar Arewa maso Gabas da kuma mamba kuma kodineta na kwamitin yakin neman zaben shugaban kasa na dan takarar shugaban kasa na jam’iyyar NNPP, Dr Rabiu Kwankwaso.”

Subscribe to Our VIP Newsletter

[newsletter_signup_form id=1]