Timothy Weah, wanda da ne ga Shugaban Liberia kuma tsohon dan kwallon duniya George Weah, ya ci wa Amurka kwallo a wasansu da Wales ranar Litinin.
Kasashen biyu sun tashi kunnen-doki 1-1, a wasa na biyu a rukunin B a ci gaba da gasar cin kofin duniya da ake yi a Qatar.
Yanzu haka Shugaba Weah na Qatar don kallon dansa wanda ya haifa a Amurka wato Tim Weah.
Sai dai Shugaban na shan suka, bayan da ministan kudin kasarsa ya ce za a rika bai wa Shugaban dala 2,000 a kullum a matsayin alawus har tsawon kwanaki tara da zai yi a Qatar.
Masu suka sun ce hakan ya yi hannun riga da alkawarin da ya dauka na rage kudin da ake kashewa wurin gudanar da gwamnati saboda inganta rayuwar talaka.
Geoge Weah ya kafa tarihi a matsayin dan kwallo daya tilo daga nahiyar Afrika, da ya taba lashe kyautar dan kwallon duniya ta Ballon D’or a ranar 24 ga watan Disamban 1995.
Subscribe to Our VIP Newsletter
[newsletter_signup_form id=1]
