Festus Keyamo, babban mai magana da yawun kungiyar yakin neman zaben shugaban kasa na jam’iyyar APC, ya sake caccakar Atiku Abubakar, dan takarar shugaban kasa na jam’iyyar PDP, bisa alkawarin bayar da kwangiloli ga abokan siyasa bayan kammala zabe.
Atiku a wani taro da aka yi a birnin Abeokuta a ranar Laraba, 18 ga watan Janairu, ya yi alkawarin cewa jiga-jigan jam’iyyar PDP da suka lashe rumfunan zabensu na jam’iyyar ne kawai za su samu mukamai da kwangiloli a karkashin gwamnatinsa idan aka zabe shi a zabe mai zuwa.
Tsohon mataimakin shugaban kasar ya bayyana cewa, shiga jirgin yakin neman zabensa bai wadatar da shi wajen bayar da kwangiloli da ba da mukamai ba, amma dole ne su yi aiki domin samun nasarar jam’iyyar.
Sai dai Keyamo, wanda a baya-bayan nan ke takun-saka da Atiku, ya bayyana a shafinsa na Twitter a ranar Alhamis, 19 ga watan Janairu, inda ya yi Allah-wadai da furucin dan takarar shugaban kasa na jam’iyyar PDP, inda ya tunatar da shi dokar da ke jagorantar bayar da kwangiloli.
Subscribe to Our VIP Newsletter
[newsletter_signup_form id=1]
