Shugaban kasar Rasha Vladmir Putin ya ba da umarni na hana cirar kuɗi sama da dala 10,000 a cikin ƙasar.
Wata sanarwa daga Fadar Kremlin ta ce, umarnin zai fara aiki daga yau Laraba.
Darajar kuɗin Rasha na ruble ya faɗi da kashi 30 cikin 100 a kan dalar Amurka yayin da tashin hankali ke ci gaba a Ukraine.
A gefe guda kuma, babban bankin Rasha da ke ƙoƙarin guje wa sake karya darajar kuɗin ƙasar, ya ƙara yawan kuɗin ruwa daga kashi 5.9 zuwa 20.
Babban bankin na Rasha ya ware dala biliyan 630 don ba da tallafi wajen hana sayar da kadarori a wajen ƙasar da kuma taimaka wa bankuna da kamfanoni.
Subscribe to Our VIP Newsletter
[newsletter_signup_form id=1]
