Juma’a da Litinin ranakun hutun Sallar Layya – Gwamnati

Gwamnatin Tarayya ta ayyana ranakun Juma’a da Liitnin masu zuwa a matsayin ranakun hutu ga ma’aikatan ƙasar domin bikin Babbar Sallah.

Ranakun za su dace da 6 da kuma 9 ga watan Yuni da muke ciki.

Ministan harkokin cikin gida Olubunmi Tunji-Ojo ne ya sanar da hutun a madadin gwamnatin tarayya, yana mai taya al’ummar Musulmi murnar zagayowar bikin.

A ranar Juma’a 6 ga watan Yuni ne Musulmi za su gudanar da Idin Babbar Sallar, wanda ya ƙunshi yanka dabbobin layya.