Dan wasan gaba na Atletico Madrid Joao Felix, zai bar kungiyar ta Spain a watan Janairu.
Felix na shirin barin kungiyar ta La Liga a watan Janairu bayan ya kasa kafa kansa a bangaren Diego Simeone.
Atletico Madrid ta sayi dan wasan mai shekara 23 a kan Yuro miliyan 126 (£108m) daga Benfica a bazarar 2019. Amma wanda ya lashe gasar Euro 2016 bai iya daidaita salon da falsafar Simeone ba.
Yanzu dai Atletico ta shirya tsaf domin rage hasarar da take yi kuma ta rage farashin dan wasan inda ta nemi a ba ta aron fan miliyan takwas.
AS ta ruwaito Felix a shirye yake ya bar kungiyar a matsayin aro a wata mai zuwa inda Arsenal da Manchester United ke kan gaba wajen neman dan wasan na Portugal.
Subscribe to Our VIP Newsletter
[newsletter_signup_form id=1]
