Wani jirgin saman fasinja na ƙasar Tanzania ya yi saukar gaggawa a Kogin Victoria da ke kusa da ƙauyen Bukoba na ƙasar.
An ceto fasinja 20 cikin 49 da ke cikinsa, kamar yadda kafofin yaɗa labaran ƙasar suka bayyana, amma ba a tabbatar da adadin ba a hukumance.
Masu aikin ceto da masunta na ci gaba da neman fasinjojin.
Hotunan da aka ɗauka sun nuna yadda kusan dukkan jirgin ya nitse, in ban da jelarsa da ke kan ruwa.
Jirgin na kamfanin Precision Air ya taso ne daga babban birnin Tanzania, Das es Salaam zuwa Bukoba lokacin da ya fuskanci guguwa da ruwan sama mai tsanani, a cewar rahotonni.
Ɗaya daga cikin titunan sauka da tashin jirgi na Filin Jirgin Sama na Bukoba na kusa da Kogin Victoria, wanda shi ne kogi mafi girma a Afirka
Subscribe to Our VIP Newsletter
[newsletter_signup_form id=1]
